" झुर्किया" यो मोरंग जिल्लाको पूर्व-दक्षिणमा अवस्थित गा .वि .स . हो / जसको दक्षिण सीमा भारतको बिहारसंग जोडिएको छ / पूर्वमा महादेवा गा .वि . स . तथा झापा र मोरंग छुट्याउने "रतुवा" खोला छ ( दुई वर्षदेखि पक्काको पुल निर्माण सुरू भएको तर हालसम्म पनि पूरा नभएको ) भने उत्तर तर्फ सिजुवा गा . वि . स . पर्दछ / बिराटनगरबाट ३५ कि . मी . पूर्वमा पर्ने यस गा . वि . स .को उत्तरतिरको भागलाई चिर्दै " हुलाकी राजमार्ग " लमतन्न परेर सुतेको छ / यो ठाउंको नाम " झुर्किया" कसरी रहन गयो, यो रहस्यकै गर्भमा छ / ९५ % मधेसी र ५ % पहाडी मूलका मानिस बसोबास गर्ने यस गा . वि . समा मुसलमान समुदायको पनि उपस्थिति रहेको छ / यस गा . वि . स .को जनसंख्या ........रहेको छ / मधेसी मूलभित्र पनि बिभिन्न जाती रहेका छन् / जस्तै - ताजपुरिया , राजबंशी, गनगाई आदि / यिनीहरू यहाँका आदिबासी हुन् / यिनीहरूको आफ्नै भाषा छ / त्यसैगरी यादव , मुसहर , सरदार , संथाल आदि छन् / पहाडी मूलमा पनि बाहुन तथा छेत्रीहरुको बाहुल्यता छ / यति हुँदा -हुँदै पनि बिभिन्न जात -जाती तथा भाषा-भाषीका बीच सुमधुर सम्बन्ध छ / एकले अर्कालाई सम्मानले हेर्छंन् तर कहिलेकाहिं राजनीतिक भड्कावले विषाद उत्त्पन्न हुन खोजेपनि त्यो क्षणभरमा नै विलिन हुनपुग्छ / गा .वि .स भरिमा एउटामात्र माध्यमिक विद्यालय छ " श्री मा .वि . झुर्किया / " भने प्रत्येक वडामा १ वा २ वटा प्राथमिक विद्यालयहरू रहेका छन् / यसैगरी गा .वि . स . भरिमा एउटा " ईलाका स्वास्थ्य कार्यालय " छ / भौतिकरूपमा सुबिधा सम्पन्न भवनहरू भएतापनि बिरामीहरूले खासै सेवा लिन सकेका छैनन् , डाक्टरहरुको अनुपस्थितिले गर्दा /
पीचबाटो( उर्लाबारी - बरदंगा खण्ड ) ले गा . वि . स .को एउटामात्र ८ नम्बर वडालाई छोएको छ / बाँकी सबै सडकहरू कच्ची छन् / तथापि यातायात व्यवसायीहरुले अनेक समस्याका बाबजुत पनि सेवा सञ्चालन गरेका छन् / बिजुली-बत्ती भएपनि आर्थिक अभावका कारण सर्वसाधारणको पहुँचभन्दा बहिर छ / यहाका मानिसको मुख्य पेशा कृषी हो / जमीन उर्वर छ / तर सिंचाईको व्यवस्था नहुनाले आकासको भरमा खेती गर्नुपर्ने बाध्यता छ / '' आकासको फल आँखा तरी मर " भनेझै बर्षा नभएको बेला यस्तो उर्वर भूमि " गौचरणमा" पारिणत हुन्छ / केही साल अगाडिसम्म आय आर्जनका लागि मधेसीमूलका युवाहरू भारत ( दिल्ली, पंजाब ) जाने गर्दथे भने हाल खाड़ी मुलुकतिर जान थालेका छन् / जसको परिणाम आज उनीहरूको रहन -सहनमा प्रत्यक्ष देख्न सकिन्छ /
