यस किताबका लेखक को हुन् भन्ने जानकारी अहिलेसम्म पाइएको छैन। तर भ्रमणटोलीकै एक सदस्यले लेखेको हुनुपर्छ भनेर यो किताबका सम्पादक कमल दीक्षितले भन्नुभएको छ। जंगबहादुरले बि.स. १९०६ माघ महिना (सन् 1850) मा वेलायत भ्रमण गरेका थिए। उनको वेलायत भ्रमणको खास आसय ब्रिटिश सम्राज्यको शक्ति र विकाश हल्लामात्र हो कि वास्तविक हो भनी जान्नु पनि रहेको थियो। उनका साथमा दुई भाइहरू जगत शमशेर राणा र धीर शम्शेर राणा लगायत २५ जनाको टोली थियो। चिसापानी किल्लाको बाटोहुँदै पत्थरघाट पुगेर त्यहाँको जंगलमा ४ वटा हात्ती पक्रिएका थिए र केही बाघहरू पनि मारेका थिए। उनी त्यहाँबाट पटना हुँदै कलकत्ता पुगे। पटना र कलकत्तामा उनको भब्य स्वागत भयो। कलकत्ताबाट लंका,एडेन, इजिप्ट, माल्टाहुँदै लण्डन पुगे। पानी जहाजमा जंगबहादुरले बिभिन्न चमत्कारिक कार्यहरू पनि गरेका थिए। उनीहरूले जहाजमा आफ्नोलागी आफैँ खाना पकाएका थिए। लण्डनमा उनको स्वागत बडा तामझामका साथ गरियो।यसको मुख्य कारण जंगबहादुरले ब्रिटिशलाई हिन्दुस्थानमा गरेको सहयोग थियो। लेखकले वेलायतको समाज, संस्कार, रीति-थीति, संसदीय व्यवस्था, नियम तथा कानूनको बारेमा राम्रोसँग दर्शाएका छन्। वेलायतको तीन महिनाको बसाईपछि उनी फ्रान्सतिर लागेका छन् / वेलायतमा जंगबहादुरको भ्रमणलाई जति उच्चरूपमा लिइयो त्यति फ्रान्सले नलिएको जस्तो लाग्यो। तथापि स्वागतमा कुनै कसूर भने छोडेन। ४० दिन फ्रान्स बसेर उनी बम्बई आएका थिए। यसरी फर्किनेक्रममा
बनारसका कुटुक महाराजकी मैया सँग विबाह गरेका थिए।
जंगबहादुरको वेलायत र फ्रान्स यात्रालाई त्यहाँका पत्र पत्रिकाहरूले उच्च महत्वका साथ समाचार प्रकाशित गरेका थिए ।
(फ्रान्सको एउटा पत्रिकाले जंगबहादुरको स्क्याच फोटो यसरी प्रकाशन गरेको छ )
(वेलायतको पत्रिकाले भने चैं जंगबहादुरको स्क्याच फोटो यसरी प्रकाशन गरेको छ )
ऐतिहासिक, ज्ञानबर्धक, र मनोरन्जनपूर्ण " जंगबहादुरको वेलायत यात्रा" एकपटक अवस्य पढों।
interesting
ReplyDelete