यो कसले हेर्ने हो ?

भन्नलाई लाज हुन्छ, नभनि पनि नहुने। यो कस्तो बाध्यता। नेताले भ्रस्टाचार गर्छ। कर्मचारीले भ्रस्टाचार गर्छ। व्यवसायीले असीमित कमिसन लिएर भ्रस्टाचार गर्छ। सरकार पनि आर्थिक वर्ष सकिने समयमा काम गरेजस्तो गर्छ। सेवाप्रदायक संस्थाले सेवाग्राहिलाई समयमा सेवा दिँदैन। आवाश,शिक्षा,स्वास्थ्य, कृषि, रोजगारी, खानेपानी, बिजुली,यातायात, इन्धन,बजार ब्यवस्थापन लगायतका क्षेत्र  कतै पनि सरकारले ध्यान दिँदैन।  सबैतिर बेथिति मात्र छ। जनता बाँचेपनि मरेसरह छन्। जनतामा उल्लाश छैन,उमंग छैन। श्वासमात्र फेरेका छन्। त्यो श्वास पनि शुद्ध छैन, धूलो र धुवाँले भरिएको छ। गरीब देशमा किन यस्तो हुन्छ? परिमाणका हिसाबले धेरै र थोरै मात्र हो, तर विश्वका सबै गरीब देशमा यस्तै हो। धारा छ  पानी छैन, पेट्रोल पम्प छ इन्धन छैन, बिजुली छ  उज्यालो छैन। आजकल बानेश्वोर, दरबारमार्ग, सुनधारा, न्युरोडका सडक ,चौक,ओवरहेड ब्रिजमा पैसा माग्नेको भिंड हुन्छ।बिदेशी पर्यटक ,सामान्य मानिस  छलिएर हिँड्नु पर्ने अवस्था छ। यस्तो किन भइरहेको छ ? उनीहरूले आफ्नो जीवन धान्न, पेट भर्न मागेका हुन् कि अथवा कुनै गिरोहको काम हो ? यो कसले हेर्ने हो ? कसले अनुशंधान गर्ने ? यदि यो गलत कार्यलाई समयमै रोकिएन भने नेपाल र नेपालीले लज्जाबोध गर्नुपर्नेछ।