पातलेटार

                     भक्तपुर जिल्लाको दधिकोट गा.वि.स.मा पर्ने पातलेटार गाउँ मनमोहक र सुन्दर छ।

(Photo : Janak Bhatta From Google Map)

नाउँ हो पातलेटार गाउँ हो दधिकोटको
हरियाली सबैतर्फ लाग्छ स्वर्ग सामान यो।
                       १

जसरी  बस्दछन् बच्चा मातृकाको सुसाथमा
त्यसरी नै बसेको छ पहाडसित  काखमा।
                         २

वनपुष्प,लता-कुञ्ज झुल्छन् हेर पहाडमा
पवनसाथ नाच्दैछ धान सरर्र फाँटमा।
                         ३

सिर्र-सिर्र हवा चल्छ तरंग बग्छ पातको
शीत खुशी बनी हेर्छ झुल्के घाम प्रभातको।
                          ४

कालो मेघ घना बन्दै पहाडमाथि घुम्दछ
बर्साई जलको धारा धरणीधर चुम्दछ।
                          ५

प्रफुल्ल मन पारेर पातलेटार हाँस्दछ
सँगसँगै रमाएर विहङ्ग पनि नाच्दछ।
                          ६